Hausimus altifluam Petri Paulique salutem,

Quos primos terrae comites caelique retentant,

Atque hanc ardenter iterumque iterumque sitimus.

Nilominus toto mandamus corde salutem

5

Vobis, o pater, o laudandae formula vitae,

Quos meritum et sollers pariter sapientia comit

Nostrisque optamus speciosis laeta puellis

Laetamurque satis, quod pestis amara recessit

Virgineosque artus domini salus alma revisit.

10

Virgineas marga - fraterna per oscula - ritas

Aurea progenies geminato germine creta

Nectareo affectu terna de voce salutant.