Nunc novitas .... pace deleta vetustas

<>

Ritu priscorum crucis hic male nota manebat.

Ast urbis huius clarus cathegita plebis

5

Hanc Agilrannus tum formam frangere iussit,

Sub qua capsellas placidas geminasque latentes

In latebris saxorum hominumque molimine mentis

Invenit septas <et> sacro munere plenas.

Mox gremium pandens praesul patrocinia sumsit,

10

Capsellam gaudens unam deduxit ad urbem,

Altera nunc templi in huius sancta ara refulgit.

Ambarum facies licet exteriusque flagrabat

Argento, eboream constat corpusque biforme,

Plus tamen interius ditantur viscera vasis,

15

Candida quam specie gazarum gloria fulget:

Pignora sanctorum <priscis> felicia seclis

Tempore iam nullo fraudentur luce serena.

O clemens custos, conserva hanc pervigil aedem,

Fletibus enixis plebem foveto gementem,

20

Vt scelerum dominus <dignetur> solvere facta.