1

Aurora dicta sermone prophetiae,

Ex qua sol verus ortus est iustitiae,

Prece pulsemus Christi matrem Mariam,

Vt impetremus peccatorum veniam.

2

Beata domus dedicata domino

Iussa ferente Gabrihel archangelo,

Prece pulsemus Christi matrem Mariam,

Vt impetremus peccatorum veniam.

3

Columba inter sexaginta reginas

Et octoginta electa concubinas

Prece pulsemus Christi matrem Mariam,

Vt impetremus peccatorum veniam.

4

David praecelso parientem filium,

Cuius est thronus manens in perpetuum,

Prece pulsemus Christi matrem Mariam,

Vt impetremus peccatorum veniam.

5

Egressa virga Iesse de radice

Flore cum pleno septeno spiramine

Prece pulsemus Christi matrem Mariam,

Vt impetremus peccatorum veniam.

6

Femina casta circumdantem masculum,

Verbum a multis saeculis absconditum,

Prece pulsemus, Christi matrem Mariam,

Vt impetremus peccatorum veniam.

7

Gratia plena, obumbrata caelitus

Grato adventu sacrosancti spiritus

Prece pulsemus, Christi matrem Mariam,

Vt impetremus peccatorum veniam.

8

Hanc imploramus nostri in auxilium

Advocatricem esse apud dominum;

Prece pulsemus Christi matrem Mariam,

Vt impetremus peccatorum veniam.

9

Iordanen pleno redundantem gurgite,

Ripas complentem primi mensis tempore

Prece pulsemus, Christi matrem Mariam,

Vt impetremus peccatorum veniam.

10

Kasta turture voce, vero sermone

Se profitentem virum non cognoscere

Prece pulsemus, Christi matrem Mariam,

Vt impetremus peccatorum veniam.

11

Lilium inter spinas acutissimas,

Amica sponsi sola inter filias

Prece pulsemus, Christi matrem Mariam,

Vt impetremus peccatorum veniam.

12

Matrem ac sponsam, sororem et filiam,

Ancillam quoque regis magni Mariam

Prece pulsemus, Christi matrem Mariam,

Vt impetremus peccatorum veniam.

13

Novit que Christum, nam vexit in sacculum,

Nullo gravata pondere peccaminum

Prece pulsemus Christi matrem Mariam

Vt impetremus peccatorum veniam.

14

Ovem, ex cuius dei venit vellere

Agnus, peccatum huius mundi tollere,

Prece pulsemus, Christi matrem Mariam,

Vt impetremus peccatorum veniam.

15

Primam devote offerentem hostiam

Virginitatem deo patri placitam

Prece pulsemus Christi matrem Mariam,

Vt impetremus peccatorum veniam.

16

Quam ante partum virginalis integram,

Tam post servantem suae carnis coronam

Prece pulsemus Christi matrem Mariam,

Vt impetremus peccatorum veniam.

17

Rosa fulgentem castitatis robore,

Matrem spineum observantem honorem

Prece pulsemus, Christi matrem Mariam,

Vt impetremus peccatorum veniam.

18

Stella praeclaro choruscantem fulgore

Tanto transacto noctis tetris torpore

Prece pulsemus, Christi matrem Mariam,

Vt impetremus peccatorum veniam.

19

Thalamo structo caelesti coniugio,

Septem suffultum columnarum numerum,

Prece pulsemus Christi matrem Mariam,

Vt impetremus peccatorum veniam.

20

Virginem deum habentem in uterum

Isaias nobis predicat oraculum.

Prece pulsemus Christi matrem Mariam,

Vt impetremus peccatorum veniam.

21

Xristi pro nostris novis ac veteribus

Matrem precemur piam peccaminibus.

Prece pulsemus Christi matrem Mariam,

Vt impetremus peccatorum veniam.

22

Ymnista fratre pro me licet misero

Soror existat suo supplex filio.

Prece pulsemus Christi matrem Mariam,

Vt impetremus peccatorum veniam.

23

Zelum ut hostis antiqui et laqueum

In regione evadam viventium,

Prece pulsemus Christi matrem Mariam,

Vt impetremus peccatorum veniam.