1

Audite mirabilia

De fratribus duodecim

Ex quibus unus ultimus

Factus est prior omnium.

2

Bonum <est> semper dicere

Aut acta reminiscere,

Vbi fuit invidia

Et fratribus malicia.

3

Cum essent illi duodecim

Filii Iacob per ordinem,

Ioseph sortita somnia:

Impleta sunt per omnia.

4

Dum portabat Ioseph prandium,

Somnium retulit fratribus,

Quod eorum manipulus

Illum adoraverunt.

5

Dum colligunt manipulos

Mittentes sua semina,

Adversus fratrem statuunt

............. impii consilium.

6

Dicebant ad alterutrum:

"[Se] istum interficiamus,

Et tunc videbimus opera,

Quot erunt ei somnia."

7

Erat Ruben persuadens

In verbis blandis fratribus:

"Ioseph non interficite,

In lacum eum proicite."

8

Exuerunt ei tunica,

Quod erat ei unica,

Fecerunt sicut dixerunt,

In lacum eum miserunt.

9

Extractus est de laqueo

Et presentatur fratribus,

† Et tunc se memoratis

Fraternitatis viscera.

10

Edi caprarum sanguinem

Iosephque inquinaverunt,

Mortem eius per tunicam

Delicta defamaverunt.

11

Fuit exinde transitus

Hismaelitarum generis;

Cum venirent ad fratribus,

Ioseph ceperunt vendere.

12

Fecerunt pacta pariter,

Tollentes vigenti argenteos,

Ioseph tristis et gemitus

Servus vadit in Egyptum.

13

Fratres Ioseph dum venderunt,

Pavidus timore tacuit.

Et patri suo dixerunt:

"Bestia eum rapuit."

14

Flebat Iacob pro puero

Rachelis nato utero:

"Fili Ioseph, qui passus <es>

Et a bestia raptus es!"

15

Fuit in domo vinditus

Phutifares praepositi;

Cunctaque sua substantia

Ioseph traditur cum gratia.

16

Formonsus erat iuvenis,

Decoratus et humilis,

Caritatem dulcissimus

Et omnium piissimus.

17

Fallacitas coniugii!

Persuadens virum mulier,

Ne sua mala proderet,

Misit Ioseph in carcere.

18

Fama Ioseph in Egyptum

Loquebatur pro merito

De eius sapientia

Vel magna pacientia.

19

Gelas pellicit domina,

Dum dicerit: "Dormi mecum."

Ille non solum noluit,

Set etiam aborruit.

20

Gressum perrexit ......

Et convocat familia,

Quod illi Ebreus iuvenis

Disrupit sua lacinia.

21

Graviter inflammatus <est>

Potifares pro coniugio,

Pro cuius malificia

Ioseph est in suplicia.

22

Gavisus magno gaudio

Ioseph vadit in carcere,

Quod † incurante se noluit

Nec vestimenta tetigit.

23

Hostis est genus femine

Et incredendum nimium,

Mundi mors ab inicio

Ingressa est in secula.

24

Humiliter se proclinat

Adveniente coniugi,

Ostendit ruptum palleum,

Dum confecit mendacium:

25

"Hebreus ille servulus,

Cui tradidisti omnia,

Pro meretrice me habuit,

Non pro sua dominica.

26

Ingressus sub especie

Cuiuspiam operarie

Adprehensa mea lacinia

Detrait ad ludibria."

27

Iram repletus Phutifar

Per falsa verba coniugis

Putatur inculpabilem

Ioseph, recludit carcerem.

28

Ista talis tentatio

Ioseph fuit probacio,

Castitas et oratio

Fuit ei in solacio.

29

Karcere retrusus ductus

Damnatus sine crimine.

........... ibidem salvatus est,

Quam non consensit femina.