1

Agius atque ingenitus,

Spiritus sanctissimus,

Antequam fierit mundus

Patri aequalis filius:

Trinum refulgens unicus,

Omousios kyrius.

2

Bene caeli especiem,

Terrae potestas fecerat

Foveas, aquae gurgites,

Tenebras densas repellens.

Collectae aquae miriter,

Arida patent limina.

3

Clara luce in primitus,

Firmamentum in postmodum,

Maris terreque speciem

Tertio fixisti diem,

Sidera quarto incoans,

Quinto iam volatilia.

4

Die sextoque bestias,

Iumenta atque pecora

Regem terraeque hominem

Plasmasti ad imaginem.

Dedisti ei similem:

Eva prodit ex latere.

5

Ecce gustando vetita

De paradysi gaudiis

Eiecti foras tribulant,

ESpinis gignent arida,

Sequitur culpa noxia

In filios et filias.

6

Funera crescent nimium

Vsque tempus diluvii.

Mundus sensit naufragium,

Corpora mersa gigantum.

Arca servati spiritos

Intra undarum ictibus.

7

Gentium augent numeros

Fili Noe per partibus.

Turrem superbi aedificant

Nisi caeli cacumina.

Quem summa dei trinitas

Ibi confundens linguas.

8

Hoc totum figuraliter

In patriarchae usui

Ilex Mambre promeruit:

Trinitas pia claruit,

Quem Abraham ut hospitem

Pedes levat parapside.

9

In Sodome interitum

Pater direxit filium

Simulque sanctum spiritum

In postmodum signiferum;

Pater in arce resedens

Per ipsos iubens homines.

10

Kalor ardens in herimo

Nusquam consumpsit flammeos.

Moyses vocatus famulus

Ab igneo espiritu,

Vt nuda planta graderet

Terraque sancta tangeret.

11

Lustratus in enigmate,

Vt erat possibilitas,

In holocausti victimas

Consume ........ sacrificia.

Natura eius ignia

Adflatu purgans omnia.

12

Maria princeps virginum

Sacrum audivit nuncium,

Quod de sancto espiritu

Impletum esset uterum,

Virtutemque altissimi

Nascere dei filium.

13

Necnon Esaias placita

Divini iuris cecinit

Spiritum sanctum nuntians

Repletum Christum dominum.

Iesu in templo religens

Inter doctores floruit.

14

Orat ingressus fluvium,

Vt incoaret baptismum.

Pater de caelis loquitur

In columbae especiem.

Ibi patuit trinitas

Divinaque substantia.

15

Promittensque discipulis

Iesus in evangeliis:

"Nisi ego abiero,

Paraclytus non veniet.

Ipse docebit omnia,

Suggeret mirabilia."

16

Qui evolutis circulis

Post quinquaginta diebus

Apostolorum cordibus

Replevit abundantius.

Repleti sunt espiritos

Et profetarunt plenius.

17

Resedit super singulis

In bipertitis linguis;

Domum ignis apparuit,

Sonus magnus intonuit,

Loquunturque magnalia:

Gentes reciperunt gratiam.

18

Sancta crescens ecclesia

Multiplicatis linguis.

Ad turrem Babyllonicam

Ira turbavit labia,

Virtutem sancti spiritus

Recipitque humilitas.

19

Tantaque dona spiritus

Miratur cunctus populus,

Arabae, Maedus, Prosylitus,

Iudaeus atque Barbarus,

Romani atque advenae

EScythae et Assyrii.