Nunc gaudeat aurea Roma,

Surgunt quia pergama fracta

Et puplica res male lapsa

Tandem rutilans rediviva

5

Florescit ut imbrea verna.

Sub presule denique tanto,

Delectat, ut ardua cuncta

Sint et celeberrima saecla,

Subsidat et horrida noxa,

10

Pellantur <et arma> hebetata.

Fortuna quidem rotat alta,

Vertit quoque fata priora,

Quo prima fuere quirina

Ob hoc solio relocata.

15

Lauda, nitidissima Roma,

Per quem tibi talia lata;

Hinc † eveheris ad astra!

Sed iam ratione perita

Dicat modulando camena,

20

Vt Sergius ordine papa

Felicia tempora ducta

Letetur in aeona longa!