Grates salvatori ac regi

Christo deo solvant

Omnes insularum incolae,

Quem spectatum diu iam tenent,

5

Et leges eius mentibus

<>

Captent promptulis,

Quos derelicto populo

Delegit Iudaeo de Abrahae

10

Carne genito,

Et per fidem quos Abrahae

Natos fecit et cognatos

Suos sanctum per sanguinem.

O Christe, consanguinee

15

Naturae nostrae, nos fove

Atque per divinam potentiam

Tuere ab omni incursu

Inimici et insidiis:

Quem per carnis edulium

20

Delusisti hamo tuae

Maiestatis, fili dei.

Tu resurgens imperitas

Non moriturus amplius.

Tu mortalem nostram

25

Et terream naturam

Resurgens

Incorruptivam fecisti

Atque caelis invexisti.