Sancti baptistae

Christi praeconis

1

Solemnia celebrantes

Moribus ipsum sequamur,

2

Vt ad viam quam praedixit

Asseclas suos perducat.

3

Devoti te,

Sanctissime hominum,

Amice Iesu Christi,

Flagitamus,

Vt gaudia percipiamus,

4

Apparens quae

Zachariae Gabrihel

Repromisit,

Qui tuam celebrarent

Obsequiis nativitatem,

5

Et per haec festa

Aeterna gaudia

Adipiscamur,

6

Qua sancti dei

Sacris deliciis

Laeti congaudent.

7

Te qui praeparas

Fidelium corda,

Ne quid devium

Vel lubricum deus

In eis inveniat,

8

Te deposcimus,

Vt crimina nostra

Et facinora

Continua prece

Studeas absolvere,

9

Placatus ut ipse suos

Semper invisere fideles

10

Et mansionem

In eis facere dignetur

11

Et agni vellere,

Quem tuo digito

12

Mundi monstraveras

Tollere crimina,

Nos velit induere,

13

Vt ipsum mereamur

Angelis associi

14

In alba veste sequi

Per portam clarissimam,

15

Amice Christi, Iohannes!