Votorum, deus, arbiter,

Quae dant fideles pariter,

Rogamus, nostris vocibus

Vt annuas propitius,

Per Lebuini merita

Quo nostra solvas crimina,

Quibus quasi compedibus

Illaqueati cernimur.

Sed, quod nequimus consequi

Reatu multo saucii,

Id Lebuino tribuas,

Qui sanctis tuis nil negas.

Hic nobis dux et praevius

Sit in periclis omnibus,

Huius precatu territus

Facessat hostis invidus.

Hic nos purgatos sordibus

Restituat caelestibus,

Vbi felici gaudio

Fruamur aevo intermino.