O pedagoge sacer meritis

Aymoine piis radians

Digneque sidereo decore,

Perrogitat matites liniens

5

Ore pedes digitosque tuos,

Cernuus Abbo tuus iugiter.

Sume botros, tibi quos tua fert

Vitis adhuc virides; rubeant

Imbre tuo radiisque tuis.

10

Continuo seris atque fodis

Tu, celebrande, putas et eam.

Nuncque cupis, niteat pluviis

Alterius, iubare alterius?

Dulce cui tribuas rogo mel;

15

Nam tibi palmes et uva manet.

Floruit has mihi Parisius,

Nobilis urbs veneranda nimis,

Bella precans sua ferre tibi.

Agnita cuius ut orbe vago

20

Sepiat ethera palma volans,

Doxaque regnet ubique micans,

Ore tuo gradiente super.