De Philosophia

Septena alarum me circumstantia cingit,

Vecta per alma poli quis nunc uolitare solesco,

Abdita nunc terrae penetrans atque ima profundi.

Sum Salomone sagacior et uelocior euro,

5

Clarior et Phoebi radiis, pretiosior auro,

Suauior omnigena certe modulaminis arte,

Dulcior et fauo gustantum in faucibus haeso.

Nulla manus poterit nec me contingere uisus;

Cum praesens dubio sine me quaerentibus adsto.

10

Mordentem amplector, parcentem me uiduabo.

Est felix mea qui poterit cognoscere iura;

Quemque meo natum esse meum sub nomine rebor.