Clerice, dipticas lateri ne dempseris umquam.

Corcula labentis fugias ludi fore, ne te

Laetetur foedus sandapila neque toparcha.

Machia sit tibi, quo ierarchia, necque cloaca.

5

Non entheca nec alogia, verum absida tecum

Conmaneat, mentes, acrimonia, non quia mordet.

Agoniteta tuus fiat ambusilla tui mens

Ne uranium preter cromam legat, is quia multis

Esse deus solet. Anodiam sectare gemellam.

10

Sistere sincophanta verere, boba tamen adsis.

Gripphia te tangat, carchesia togaque crebro.

Grammaton sinteca frequens sistat tibi; longe

Absistat vero glaucoma, criminis offa.

Brathea blatta dehinc, enclitica prosapiaque

15

Militiae Christi per te nullatenus absint.

Amphytappa laon extat badanola, necnon

Effipiam diamant, stragulam pariterque propomam.

Agagulam caelebs aginat, pecudes nec ablundam.

Effipia et stragula pretexta est aulica cura.

20

Vtitur anabola mulier, sed abutitur ipsa.

Convenit invalidis apozima necne placenta.

Cleronome, Codrus maneas unaque disertus.

Cum fisco teneas yppos; uxorius haud sis.

Nomine limphatici careas, crisostomus ut sis;

25

Apocrisarus ades; aforismos os tibi servet;

Basileus constes, abstemius antigraphusque;

Cosmographus, solumque tui catasscopus esto.

Gimnus ab inlicitis, ne sisque biotticus actor.

Acrizimum celebres. Oroscopus esque didasclus.

30

Inque thoro amphyballum habeas, effebus et absit;

Canterus adsit habunde tibi, sed amasius absit.

Cerritus caveas fore, perifrasticus atque.

Abbachus manui, niteatque teologus ori.

Baccaulum fauste videas te ferre cloacae.

35

Prodigus, obliqus, monotalmus, subdolus haud sis.

Ludibrium vites, baratrum; sectare tropheum.

Amphitheatra procul tibi stent, egilopia necnon;

Nam scrupulum generant "psiche" vexantque pupillas.

Scandito analogium, crisis nitet ore docentis.

40

Declina birotum, bravium capito ac cliotedrum.

Culleum habe, diametra scias, ergastula nesci.

Exares emistichium, cum distica sculpes.

Enoforo liba. Lotium laxare suesce.

Dilige tu xenodochium, zelotipiaque odi;

45

Hinc acitabula doma tuum seu congia stringat.

Pomerium curti, pomaria congrua malis.

Fulgeat ecclesiis ostrum, longe sit oletum.

Praedia quala tibi statuant, agitent flabra flagra.

Eminus ut gorgon fugiat, pota diamoron.

50

Sperne platon olon, sinposia, quatinus odon

Te lustret. Temeson vigeas, si non potes insons.

Lar tibi, quo nectar fraglet, lucarque nec absit.

Gallonis memor esto tui. Ambro timeto cieri.

Mulio strabo tuus neque sit neque agason inermis.

55

Abbaso quo fuerit, sit hirudo frequens comitata.

Disparet ac validos intercapedo citatim,

Si qua virago tuum penetret, reminiscere, doma.

Bule tegat Christi mentem tibi, gausape mensam.

Entole te comat, regesque baben proceresque.

60

Abdomen minime superet corpus, mage teche.

Vranei neotericus atque neofitus haud sis

Dogmatis ac fidei, iugiter sed priscus ab olim,

Quattuor immo tuum hec ut iter comitentur in aevum:

Teche dei, ieron archonque palinodianque.

65

Ancisus vivas, quin cardiacus moriare.

Ceruleas vestes si gestas, posce colimbum.

Ducitur anquina limbus, arsippio necnon.

Canterus antelis et postelis equitatur.

Aporiam, sed et atrophiam, patiaris, ut acam

70

Atervam appodix tua mens sibi congerat eius:

Algemam mentis anquirunt talia; verum

Aphatiam amendant, anteceniam quoque largam

Edificant. Agapem suffert agape nimis apta.

Nisibus aegidiam in giro secteris acutis.

75

Agnatos teneas, aregidiam quoque verbi

Anheles, hostis ne sis atratus in aslum.

Aulea ne angustent animam sceleris, sed aprilax

Alluat aethereus, noxis ne apostata fias.

Leva ancile geras, dextra agoniamque, fidei.

80

Auspicio amaneas. Apogeum aliquam ampliet altum.

Armenum cordi tollas, arcisterium addas.

Architriclinus amicale amineum colit, atque

Huic malis etiam apofereta autumnus honustat.

Antropus ast agamus caelibatum colat, et sic

85

Argiripam cernet patriam civesque beatos;

Haud huic est apoplexia cure, sed et astu

Angustat nullos, amartetes solet idem

Antiquare, aginat venerem, anaboladia portat;

Alburnis albent pomis huic apofereta;

90

Virtutes cunctae comitantur amiciter illum;

Hunc non allidunt affurcillando sinistri.

E Baccho quoniam bittunt geniti bibiones,

Blatterat amineo si constiterint et eidem

Indignum referens brancho prorsusque brutescit:

95

Haud illa bittit, quo, quisquis honore bimetur.

Burra, probum fateor buteonem, qui arva bidentat;

Hic sed et ingenuus similem retinent genituram.

Buggeus apparat et burgos, verum biliosus.

Apparat atque bosor taphium sibi, sed biliosum;

100

Sic animae corpus vita conponit atratum,

Laeta sed omnipotens, si mens felix, parat astra -

Comiter hoc cunctos moneas tu, miles herilis.

Preterea, cum quis noxam clandestinat, antro

Cespitat, atque coagmentat si crimina; virtus

105

Communit mentem, coalescit comiter eius

Pectoris in portu clandestina; nam cluit illic

Clancule; non constare diu tamen ipsa valebit

Clancula, teste tonante super sacrata per ora.

Cum videas astum pessumdare saecla nefandum,

110

Immo clientelae tutor domini velut haeres

Hic maneas, clivos virtutum quatinus almos

Scandere concinnas THEO tu clangere laudes

Nomine sistenti ternis valeas, modo soli

Magestate tamen nutu doxaque perhenni;

115

Quam pariter tecum teneam, tu clerice poscas.