Salve confrater mihi dulcis semper amore

Dulcior es mihi tu quam mellis gustus in ore.

Nescit amare liquor, sed amor dulcescit

Intrat et alterius coniungit foedere pectus.

5

Omnibus exceptis mihi tu sis carior istis.

Econtra abiectis sic tu sis promtior illis.

Te sequor, ut mundus circumfert cardine cursus,

Nusquam divellor, nunquam a te pectore pellor.

Hec preclara dies merito vocitatur et omnes

10

Festos precellit, que te me cernere fecit.

Alter in alterutro gratuletur sospite viso;

Tu melior, generose puer, quia sanguine maior,

Quapropter tibi sum servus super omnia promptus.