Insontes domini, nobis succurrite sanctI

Nos gravibus vitiis per Christi solvite nomeN

Suscipe tu, dominans, sanctorum suscipe voceS

Omnibus et miserere tuis, quos sanguine fusO

5

Nempe redemisti splendens in carcere lumeN

Traxisti de morte tuos, mors mortua dormiT

Ex quo morte tua reserasti gaudia vitE

Sanguinis effusor sevusque inimicus HerodeS

Destruitur per te victus, fortissime DaviD

10

Otior hostis erat volitans omni quoque ventO

Mordax ut frendens cupiens leo perdere ChristuM

Innocuos pueros sternebat corpore necI

Non tamen extinctos inclusit tartara doemoN

In gremium celi vexit sed gratia summI

15

Nomina habent in fronte sua, patris quoque nomeN

Omnes et clamant modulando carmine pulchrO

Bombo qui luctus lacrimantur coniuge IacoB

In superis plorat pueri ceu mater ablatI

Sed nimio non vult luctu cessare deplangenS

20

Sunt quia, sed non est illis regressio tristiS

Vt veniant iterum mundum, qui planctus in usV

Cosmica cuncta manent detersa tristia, doneC

Cunctipotens veniens nos omnes colligit illuC

V vida vos, sancti, clamat mea palpebra fletV

25

Rectorem mundi precibus, rogo, flectite sempeR

Rex fortis Iesu dominans, miserere, precamuR

Impie quod gessit Froumundus corpore, factI

Tollite peccatum, quos Christus sanguine tinxiT

Eudochias os oplon stephanosas kyrrie ChristE

30

Sanctos innocuos, qui cantant carmina laudiS

Ante thronum Domini cantant sibi carmina pulchrA

Nostrum vindica αἷμα, splendens de lumine lumeN

Confratrum numerus, dictum est, requiescite, doneC

Tempus adhuc modicum, dum rex fortissimus asstaT

35

Insontes Domini, nobis succurrite sanctI