Nostrum peccamen deleverat hoc cruciamen.

Nostrum peccatum ruit istum per cruciatum.

Propter Ade mortem Deus hanc subit in cruce sortem.

Nos Deus hoc signo revocavit ab hoste maligno.

5

Hec dedit exortem sortis mors unica mortem.

Virgineus natus per, quos tulit, hos cruciatus

Horum figmentis assit miserendo redemptis.

Quos precio tali voluit Deus appreciari,

Eternis poenis hos non det mortis habenis.