Me bene scribentem faciat, precor omnipotentem.

Verbera quo vitam, Deus, effice sic bene scribam.

Sic scribam, pena caro sit seu mens aliena.

Artem scripture sectandi sit tibi cure.

5

Scripti conamen divinum det tibi flamen.

Conamen scripti donet tibi gratia Christi.

Ellinger Christum supplex abbas rogat istum

Esse per oblatum librum sibi propiciatum.

Regi divino fieri sanctoque Quirino

10

Ellinger librum pius abbas iusserat istum.

Hunc Ellingerus librum dedit abba serenus

Regi divino testi sanctoque Quirino.