Versus

Viscera ne sanctum triplo curvamine panem

Interiora ............. sanctificand.....

Mysticus .....us stricta servatur in alvo

Quem celo celebrant novenarius ordo polorum.

5

Nec fas in terras cuiquam est gustare profano,

Qui nisi iam pridem sanctis mergatur in undis

Ac gestus almo trepidos rogitamine solvat,

Qui vel iam modicam panis vult sumere partem.

Quisquis amat dictis absentum rodere vitam

10

      Hanc mensam indignam noverit esse sui.

Felix qui modico contentus vivere pastu

Abstinet, et veterum servat vestigia patrum;

Quique Dei tacito volvens sub pectore dicta

Terreni fragilem moderatur corporis usum.

15

Frustra corporeis aliquis se temperat escis,

Si cupiat verbis aliorum carpere vitam.