Gregorius doctor, insignis praesul et auctor,

      Scriptori Petro dictitat ecce suo.

 

Hunc tibi dat librum praesul Warmundus habendum,

Virgo Maria, vicem vitam sibi redde perhennem.

 

5

Ad decus aeterni fulgescit pagina regis.

Sit merces servi cae<le>stis gloria regni.

 

Grandia pro parvis qui nosti reddere servis,

Haec tibi prebenti confer sublimia caeli.

 

Mentem devoti caelesti munere vesti,

10

Christe, tibi talem studuit qui ferre laborem.

 

Virgo parit dominum, concepit femina Christum.

 

Gloria sit cunctis Christo nascente benignis.

 

Martyrio lapidum mercaris, Stephane, caelum.

 

Fit merito gaudens frigente Iohannes.

 

15

In nece iustorum crudescunt vota <mal>orum.

 

Lepra cadit mentis, redeunt purgamina membris.

 

Exuit a vitiis nos circumcisio Christi.

 

Mystica municipi dant regi munera reges.

 

Fit cunctis mirum, rubeat quod potus aquarum.

20

Baptismus Christi perimit contagia mundi.

 

Ducitur in templum, purgat qui vota precantum.

 

Audit cum prolem, fidei dat virgo favorem.

 

Turba deo palams, vestes proste<r>nit, olivas.

 

Dum sumit cenam Christus, fit cena clientum.

25

Mentibus ardorem, pedibus das, Christe, nitorem.

 

Chrisma beat Christus, quo surgit nobile nomen.

 

Stat domini sanguis pretium pro crimine mortis.

Custodes tuto dominum clausere sepulchro.

 

Crux benedicta, peto, mihime<t> suc<c>urre sacrato

30

      Meque feras domino, crux benedicta, peto.

Crux via syderea, crux et diadematis aula

      Dona salutifera, crux via siderea.

Gaudia fer populo, semper lauderis ab ipso,

      Auxiliante deo gaudia fer populo.

35

Gaudeat et solito spiritus de culmine celso

      Fidens in Christo gaudeat et solito.

Omnibus adde diem, valeant ut spernere noctem,

      Dantibus et pacem omnibus adde diem.

Sis mihi, crux, rogito, sis et bonitatis origo,

40

      Mortis in exitio sis mihi, crux, rogito.

Gloria sit domino, qui nos cruce serva<t> in aevo,

      Pendenti ligno gloria sit domino.

 

In lavacro Christi capiunt signacula multi.

 

Mors patitur mortem, vitam meruere sepulti.

 

45

Ad tumulum Christi consederat angelus illi.

Pressa velut moriens trepidat custodia presens.

 

Dat pacis donum, penetral quos clauserat unum.

 

Discipuli Christum visu comitantur euntem.

 

Pectus apostolicum succendit spiritus ardens.

 

50

Nascitur e senibus divinae preco salutis.

 

Petrus cum Paulo subeunt certamine caelos.

 

Vritur ignivoma Laurentuis ultro catasta.

 

Christus in arce poli prebet consorcia matri.

 

Stella maris prodit, surgit spes unica mundi.

 

55

Pars adversa labat, Michahelis dextra triumphat.

 

Vltima tormentis succedent tempora duris.

 

Cernite, venturi sunt hec discrimina mundi.

 

Vltima sic Anti- fulgebunt dogmata -christi.

 

Garrula paupertas vestitur clamide scissa.

 

60

In cruce suspensus crucis est virtute probatus.

 

Insidens nubi perlustrat nubila saecli.

 

Imperio vestri sanentur daemone pleni.

 

Baiulet ille crucem, qui scit contempnere carnem.

 

Grandia non perdes, inopi qui vilia prebes.

 

65

Simplex grex ovium, rabiem sedate luporum.

 

Servorum meritis dominus dat lucra laboris.

 

Seclusis fatuis lampas centena coruscat.

 

Gloria sit mundo, fit factor factus in ipso.

 

Pro bene defenso Warmundo presule facto

70

Munere te dono, caesar, diadematis, Otto.

 

Aeger in occiduo corpore languet homo.

 

Cilicio posito spe fruitur domino.

 

Corpore deposito mens redit ad dominum.

 

Ereptum lecto more lavant solito.

 

75

Ponitur in feretro corpore lotus homo.

 

Mortuus effertur, turba gemens sequitur.

 

In medio viva voce petit veniam.

 

A cunctis fletur, ad tumulum vehitur.

 

Hi fodiunt tumulum, quo locitent miserum.

 

80

Vt reddat rursum, terra capit proprium.

 

Ecce marita suum cibat amara virum.