De sancta Trinitate

Prompta mente trinitati

Canamus individuae:

Patri summo,

Qui cuncta condidit verbo,

Eiusque sancto et unico

Filio deo,

Vniversalem per quem pater

Fecit machinam,

Spirituique,

Qui procedit ab utroque

Et omne bonum

Fovet, auget et adimplet.

His tribus est par et simplex

Vnaque deitas

Nescia crescendi, numquam

Quae valet minui,

Absque tempore regnans,

Temporibus

Metas statuens

Et mortalibus

Pie quaerentibus

Vitam tribuens:

Quam nobis dare dignetur.