Hoc iacet in tumulo Armanni corpus fidelis,

Qui fuit antistes clemens Lausonnis in urbe.

Artibus omnigenis conversus, pectore largus,

Doctor doctilogus, doctorum dogmate doctus,

5

Clemens et castus, sollers et valde modestus.

Destructis omnibus his locis hicque mutavit

In melius, ut vos videtis in visibus vestris.

Ergo vigens tumulum quicunque aspexeris istum,

Funde preces domino pro hoc antistite summo.

10

Donet ei dominus requiem sine fine perhennem

Et lux perpetui splendoris fulgeat ipsi,

Altipotens dominus, qui mundum continet omnem.