Francia quem genuit, Lugdunus flumine sacro

      Diluit et Christo participare dedit:

Theodricum innocuum retinet hic urna sepultum,

      Quem dura ex ipsis mors tulit uberibus.

5

Nec tamen in mortis poterit consistere regno,

      Quem vitae aeternae fons sacer exhibuit.

Germine praeclaro, claris natalibus ortus

      Vix anni unius transierat spatium.

Sed Christi in regno aeternos ille obtinet annos

10

      Atque agnum niveum candidus insequitur.

Deponat lacrimas pietas iam sancta parentum,

      Praemissum studeat pignus ad astra sequi.

Abstulit hanc terris Octimbris concita mensis

      Quinta dies celso restituitque deo.