Mens hominum sollers vitae servare tenorem

      In promptu semper ultima secla videt.

Labile devitat, mansurum denique captat,

      Sic spretis viciis caelica iura colit.

5

Felix, qui tali meruit se subdere curae:

      Non hedus, sed ovis sumet amica bonis.

Noscas Ruodulfum posito me nomine dictum,

      Officio quisquis haec loca sancta petis.

Me genuit, fovit cleroque Colonia iunxit

10

      Levitamque suae contulit ecclesiae.

Que quoque dum proprio merens pastore careret,

      Ducere me Romam tristia facta iubet.

Quam pacis dono commendans tercius Otto

      Imperat, exaltat, auget, honorat, habet.

15

Quo bene perfecto Romam dum forte redirem,

      Hic iussu domini carnis onus posui.

Sat tibi sum notus, precibus me protege motus,

      Vtque vicem capias, dic "deus, hunc habeas".