Hic tenet hospitium memorandae corpus alumnae;

      Nomine, dum viguit, Hathewith innotuit.

Moribus excellens, pietatis culmine pollens,

      Quae monitis docuit, actibus exhibuit.

5

Cultrix aecclesiae, servans moderamina vitae,

      Cuius ad aspectum perdidit ira locum.

Omnibus acclinis, nullius conscia litis,

      Non erat offensae, sed locus hic veniae.

Felle carens animo mellis dulcedine pleno

10

      Mestorum lacrimas fecerat esse suas.

Non decet hanc mestis quenquam deflere querelis,

      Nunc hilarem summi quam gerit aula poli.

Maius sepdeno rutilat cum laetius astro,

      Corpus ad ima redit, spiritus alta petit.