Hac recubant fossa Ravingeri patris ossa

      Et fiunt hominis lege soluta cinis.

Hunc Otto primus transmisit caesar opimus

      Sifridi monitis egregii comitis.

5

Misit et hunc talem, qui vitam coenobialem

      Hic reparare pio sufficeret studio.

Nam locus iste bonis hoc tempore religionis

      Factus erat vacuus rebus et exiguus.

Dumque vir industris tribus annis sex quoque lustris

10

      Praefuit, eximiam reddidit ecclesiam.

Septembris flendis nonis denisque kalendis

      Clauserat ipse diem, nunc habeat requiem.