A Bonifacio meruit qui pallia primo,

Is pater Hildbertus archipresul duodenus

Comperiens ossa patrum veneranda relicta

Intra basilicam nunc Hilarii sacrosanctam,

5

E quibus huc denos transvexit in ordine primos,

Vt locus insignis conservet pignora dignis,

Attendens merita, simul ipsorum pia gesta.

Hinc ut confratres Aureo collaterales

Efficit <ac> tumulo stricto conclusit in isto.

10

Christi nongentos, X ter, semel V legis annos;

Vt decimam quartam lucem, vult Martius, addam.