Praecelsus meritis, famoso et nomine clarus,

      Felix Augustus hic Hluduicus adest.

Corporis hic artus clausit, quando ultima solvit

      Humanae vitae et spiritus astra petit.

5

Hic fidus, fortis, nulli pietate secundus,

      Clemens et patiens atque benignus erat.

Ecclesias Christi ritu renovavit honesto,

      Ipsius et cultor verus ubique fuit.

Caesaris hic genitus Karoli Augustique superstes

10

      Successit regno huic sceptra regens populi.

Quem nunc pro sacris meritis iam credere fas est

      Cum Christo domino regna tenere poli.

Cuius germanus Drogo, Christique sacerdos,

      Transtulit huc corpus, condidit hoc tumulo.

15

Hanc, aeterne deus, Caesar Hlotharius aram

      Devoto iussit corde parare tibi,

Illic sacra tui quo victima rite sacretur

      Corporis et fiat sanguine munda tuo.