Solvamus, fratres, Christo cum carmine grates,

      Gaudia qui nostris tanta dedit populis,

Et presens omnis resonet plebs dulcibus ymnis,

      Vt respondendo undique pangat echo.

5

Suscipiens sanctum digno sub honore patronum,

      Francia, leta tuum pande, beata, sinum.

Felices stille Hreni simul atque Moselle,

      Cum cingunt talem vestra fluenta patrem!

Omnes dicamus sanctum simul ore vocemus:

10

"O Florine, tuis veniens miserescito dulis,

Christi confessor, fratrem nunc suscipe, Castor,

Civibus ut cives fautores sitis heriles."