Mittuntur domino munuscula vilia digno,

Sumito quas curas metrorum carminis odas.

Hic signum cernis signi rem significantis,

Quod tibi fert veram Christo testante loquelam.

5

Mene umquam dictis temet lacerare profanis?

Iracundus, iners fuerat, non utique sollers,

Carpere qui tali voluit me crimine nevi.

Vrsorum merdis caput inquiner omne nigellis,

Vt tu vidisti si talia carmina scripsi.

10

Postulo, quo memet tua gratia servet, obumbret:

Te colo pro domino, servum fore meque putato,

Demandes caram voloque cum pace salutem.

De te quod versus possim cognoscere visos,

Mittito, domne, tuis mihi quoddam de galamaucis.