Iacobus Cephas Iohannes Thaddeus uno

Spiritus excelsi flagrantes lumine septem

Conscripsere sacris celestia dona libellis;

Que maneant sine fine pios, sed et ira per evum

5

Quanta abdat ceco baratri sub carcere sontes,

Oris apostolici concordi voce profantur.

Mystica nos quorum lecturi dicta precamur:

"Spiritus alme veni nostrumque iuvato laborem,

Cui facile est donare tui sublimia, ut alto

10

Sufficiant humiles penetrare oracula sensu."