Hoc correxit opus domini ...............

      "Iusserat hoc scribi sumptibus ille suis"

Codicibus multis coram residente magistro;

      Rettulit ad priscam multa legendo fidem.

5

Quod nisi fecisset, mendosum spernere librum

      Quilibet insignis vellet ab arte cito;

Nam scriptor quidam (nomen ne quaere, sodalis)

      Et quae vera capit, mox ea falsa facit.

Permemor ille sui nimium morisque vetusti

10

      Pro quovis vitio sparserat usque decem.

Quid faceret? Corruptus erat per singula codex

      "Is doctis manibus sepe tenendus item";

Plurima raduntur, partem ne trunca manerent,

      Plurima nec fuerant, plurima rursus erant.

15

Consilio potuit non uno occurrere cunctis,

      Hic trivisse nimis tempora longa vides.

Ardua praetereo, refugit iactare laborem

      Rite verecundus, maxima quaeque gerit.

Non retices illum, bisbine quaternio, quanquam

20

      Sit modo sollerti pagina versa manu;

Praeterea parcat, citius qui forte movetur,

      Pagina quod sordet pumice rasa diu.

At quicumque legens eadem scribensve probasti,

      Dic "mercedis ei sit, bone Christe, polus.

25

"Ignoscas etiam Rigulfo" sponte precamur,

      Nam nunquam melius scripserat ille librum.