Quisquis amas sacram, lector, addiscere legem,

Nunc nostri studii librum percurre legendo;

Repperies facile, quicquid cognoscere mavis:

Florea cuncta gerit, prata virentia gestat,

5

Facit amantes oves sincera animalia Christi,

Ostendit patriam celsam regnumque potentem,

Tartareos ignes et tristia non finienda.

An ibi Christus adest regnum conferre beatis,

Impiis aecontra horrenda supplicia confert.

10

Sublimis anima conscendit ad regna promissa.

An piger adcurre, careas ne premia tanta,

Et picei fontis horrendas despice flammas,

Ardentes flammas restingue omnia poena.

Iamque venit finis, lentum est hoc dicere: venit.

15

Pectore tunde ... caelum suspiria pulsa,

Collibus abiectis cilitium tegmina setae

Serica despitiens atque aspera tegmina sume.

Si usque ex alto contemplet talia rector,

Hoc votis precibusque hoc fletibus optato,

20

Ne redeant peccata tibi, ne mersa leventur,

Mortua ne surgant, ne debellata rebellent,

Ne post ablutum valeantque luere tibi.