Eximium haec Celsi corpus complectitur ara,

Quem pia Nazario mater sub rure Cymelli

Obtulit, ad caeli pariter qui scanderet arces

Morte obita longum pariterque iaceret in aevum.

5

Ambrosius tandem hos separe post condidit ambos,

Nazarium apportans alio Celsumque relinquens,

Saecula Landulfus donec post plurima praesul

Vatibus adscitis vicinisque undique turbis

Laetitia summa studio et certantibus omni

10

Transtulit, atque locum divinis usibus aptum

Ipse lubens struxit miroque decore paravit.