19a. in natali sancti Apolenaris sequentia

1

Clara nobilis praeconia

2a

Apolenaris caelica

Martyris laetis promant

Vocibus agmina,

3a

Exsultet merito nimis alumna

Tam egregii ciuis Antiochia.

4a

O uirtus noua uinci nescia,

O turris Dauid inuictissima,

Cuncta pro nihilo deputans

Tormentorum genera,

5a

Carcerales hinc tenebras,

Longa ferens exsilia

Famis quoque pertulit inopiam,

Sustinuit eculei suspendia.

6a

Euiscerans claustra Tartarea

Exanimem patricii

Suscitauit filiam.

7a

Petimus, ecclesiae radians

Sidus et lucerna,

Pontificum nitida

Martyrumque gemma:

8

Et Christum nos cernere fac in saecula.