20. hymnus sanctorum Donati et Hilariani

1

Gloriam clari canimus triumphi,

Quo polum uictor petiit Donatus

Compar et poenae simul et coronae

Hilarianus.

2

Hi uelut binae radiant lucernae

Orbis et taetras remouent tenebras,

Dum tonant uerbis rutilantque signis

Prodigiorum.

3

Daemones captis spoliant rapinis,

Quos precum duris cruciant flagellis,

Robur aegrotis reparantque caecis

Lumen utrumque.

4

Mensibus clauso tribus e sepulcro

Prodit infossum mulier talentum;

Functa sic uiuo tribuit marito,

Ne moreretur.

5

Fragmen obtriti calicis priorem

Surgit in formam, pereunte parua

Parte, sed nullus liquor inde stillat,

Res noua mundo!

6

Quaesumus, celsi proceres Olympi:

Nos simul uestris precibus paternis

Erigat lapsos solidetque fractos

Dextera Christi.

7

Laus, honor patri parilique proli