32. in laudibus

1

Christe, sanctorum gloria,

Certantium uictoria,

Nos confessoris precibus

Culparum solue nexibus.

2

Fac nos imitabilia

Eius sequi uestigia.

Tu sis commune praemium,

Qui factus es et pretium.

3

Nam hic in imo positus

Celsis praestabat moribus;

Humilis erat ordine,

Claro sublimis opere.

4

Intenta mens caelestibus

Mundanos horret strepitus;

Nil iam delectat anxiam,

Quod non ducit ad patriam.

5

Accensus illuc spiritus

Totis anhelat nisibus.

Iam cernit in aenigmate

Lumen inaccessibile.

6

Sit patri laus ingenito