1.

Conspicitur pictus dux nobilis atque serenus

Heinricus praestans Bawarica regna gubernans,

Progenies domnae venerabilis alta Iudittae,

Quae spretis mundi faleris et pondere regni

5

Optans se frenis monachilis subdere legis

Augmentavit opes maiores struxit et aedes

Huius basilicae sanctae sub honore Mariae.

Hoc cum velle suum raperet sors ultima dignum,

Inter funereas veluti semiviva loquelas

10

Postulat, exorat nimiumque petendo laborat

Expleri votum, quod vovit perficiendum.

Isthoc arripiens, cordis gratulamine gaudens,

Ductor prefatus ut semper ad omnia laetus

Hortamenta boni spatii mox tempore parvi

15

Diruit errores fictas pellendo sorores.

Convocat electas Christo sponsante puellas

Ac iuxta ritum post scripti regminis artum

Vivere fulcivit rebus monitisque coegit.

Quisquis in hoc faveat, communia premia sumat.

20

Si quis disperdat, Maria vindice solvat.