2.

Rex fuit eximius, de multis fratribus unum

Quem deus elegit, regnandi ut sceptra teneret.

Caelitus hunc sacro spiramine namque coegit

Psallere bis quinis caelestia carmina chordis,

5

Quae nasciturum regalis semine ventris

Signarent Christum mundi per enigmata regem,

Quem canit et cytharae modulantis verbere plectri,

Organa multiplici componit et inclita sensu

Cymbala, psalterium praedocto pollice pulsat,

10

Mystica designent ut nobis carmina regem.