1.

Inclita caesareum diffundit fama triumphum

Hlotharii, celebrat quem maximus ambitus orbis.

Hunc oriens recolit mittens veneranter Achivos,

Qui veniam curvi poscant et foedera pacis.

5

Syderis occidui populi sua iura tremescunt

Et tanto gaudent proni se subdere regi,

Quem non verba valent titulis exponere certis;

Ingenii locuples neque sufficit illius umquam

Virtutes animi propriis percurrere verbis,

10

Nec si centeno loqueretur lingua meatu.