1.

Hac magnus colitur Stephanus protomartyr in aula,

Qui fuit egregius meritis et nomine clarus.

Qui lapides inter Christum cernebat in arce,

Ad dextramque dei stantem super ardua caeli

5

Culmina, ferre suo suffragia martyre magna.

Cuius honore pio fecit Ambrosius aedem,

Iam precibus veniam mereretur ut illius almis.

Pro quo quisque legas titulum exorare memento,

Vtque suum famulum Christus conservet in aevum.