2.

Hieronimus monuit postremi in fronte libelli,

Vt, cuicumque foret verborum longior ipse

Textus in Isaiam, libros excerperet omnes,

Et brevibus vastos verbis constringere sensus.

5

Sic idcirco tuis parens, carissime, iussis,

Haec, Albine, tibi strictim collecta dicavi.

Hec utinam nostri memorem te sepe rependant,

Hec, pater alme, legens pro nobis sedulus ores,

Sepius ac dicas: 'Dominus conservet Ioseph'.

10

Hec quoque verba tibi toto de corde rependam.

Care magister ave, dominus te salvet ubique.