10. hymnus de sacerdotibus

Dum sacerdotum celebrant fideles

Festa solemni veneranda cultu,

In tuas laudes honor hic redundat,

Summe sacerdos.

5

Cuius ex dono potuere sancti

Saeculi fastus et opes caducas,

Ac voluptatum laqueos tenaces

Ludificare.

Sed nec adversis poterant moveri

10

A tuae certo fidei tenore

Quos futurorum rata praemiorum

Spes animabat.

Vnde post vitae fragilis labores

Rite decursos, patrias adepti

15

Aetheris sedes, solida beati

Pace fruuntur.