4.

Hac tumulatur humo claro de stemmate creta,

Nomen avis tribuit cui de baptismate Christi

Cuius haud, lector, vitam tibi prodere scalptor

Quit calibis stilo, artatus marmore parvo.

5

Sit tetigisse satis, fuerit quod mater egentum:

Huius ope alacri pulsabant sidera voce

Reddentes grates Anglus, Geta, Wasco, Suavus,

Quique bibunt Renum, Burgundio, Graius, Hiberus,

Sedavitque etiam Brittonum saepe susurros.

10

Desiderata egris praebebat edulia sollers;

Largifluo pastu refovebat carcere septos.

Triste medelifero recreabat famine pectus

Nectareo illius conditis melle loquelis.

Indigene, adfines, proceres fruebantur et ipsi.

15

Hanc flevit civis, luxit peregrinus et exter.

Orbatus denuo est huius de morte pupillus,

Bisque virum infelix vidua sibi sensit ademptum.

Iuncta viro fuerat censuque animoque potenti,

Servabat regi fido qui pectore gazas.

20

Cum quo casta manens maturos adtigit annos.

Columba, tuus ecce, ut quivi, domina, servus

Cignea mauxillum Barionas marmore stravi.