19. epitaphium Gaufridi episcopi Andegavensis

Hic iacet Andegavae Gaufridus episcopus urbis,

      Si caro pontificis mortua nomen habet.

At si spiritui magis hoc aptare velimus,

      Non iacet hic praesul, sed super astra sedet.

5

Quod si corporeis tantum situs est tribuendus,

      Nec stat, nec recubat, nec super astra sedet.

Gloria carnalis pernicibus evocat alis.

      Quae mundum paret gloria, fine caret.