2. similitudo paradisi et Ecclesiae

Denotat Ecclesiam paradisus; et in paradiso

      Est lignum vitae, Christus in Ecclesia.

Caetera ligna, viri iusti; fructus, bonus actus.

      Quatuor ex uno flumina fonte fluunt.

5

Sic Evangelii sunt libri quatuor; horum

      Nos doctrina rigat, fructiferosque facit.

Lignum per quod Adam quae sint bona, quae mala novit,

      Libertas nostri dicitur arbitrii.