8.

Lucida quae cernis clarescere tecta, viator,

      Si medicina tibi est opus, hospes adi,

Hic quia odoriferis circumdata tympora sertis

      Ipsa salutifera munera tractat ovans.

5

Quam repperit primus phisicae tractator Apollo,

      Cum quo Scolaphius, natus hic, ille pater.

Post quos Hypocrates longo post tempore id ipsum

      Dogmatibus claris magnificavit opus.

Haec sorbere lues, longe et depellere pestes,

10

      Haec morbos cunctos namque fugare potest.

Ipsa quidem egrotis reddit medicando salutem,

      Munere deque suo languida membra fovens.