Prologus

Dum vacat et curis mens non agitatur avaris,

      Dum lentis animus fluctibus abstrahitur,

Flores de vernis metrico decerpere pratis

      Pollice decrevi, noster amice, tibi.

5

Hic portenta tibi, miracula, somnia, scripsi,

      Scripsi de rebus hic memorabilibus.

Recte, perverse, versute dicta vel acta,

      Dixi quae fato contigerint vario.

Vrges ad famam, Clio, quae prima poetam,

10

      Adsis principiis ex Helicone meis.