Prologus

Quorum perspectam tenuit moderatio vitam,

      Ex inimicis qui foedera nexuerint,

A quibus omnino fuerit calcata libido,

      Quos fugit dirae pestis avaritiae,

5

Qui paupertatem tulerint se sponte decentem,

      Quique verecundi vivere maluerint,

Seu qui coniugii laudantur amore tenaci,

      Seu qui munifici civibus extiterint,

Docta Thalia doce, tua nobis germina pone,

10

      Atque capaces nos carminis institue.