8. de his qui mortem filiorum fortiter tulerunt

Colle Iovi grandem Pulvillus dedicat aedem

      In Capitolino praesulis offitio,

Nuncius adsistit sollennia verba canenti,

      Nuntiat hic natum mox obiisse suum,

5

Ille nec extensam contraxit ab unguine dextram,

      Ne praetermittat pontificale sacrum,

Nec vultum flexit, partes ut non mage patris

      Quam magni partes pontificis gereret.

Quatuor Aemilius Paulus natis decoratus,

10

      Abnegat inde duos indolis egregiae;

Vnum namque tribus Cornelia gratis adoptat,

      Alter item Fabiis additus est ab eis;

Ante diem quartum quam duceret ipse triumphum,

      Tercius exspirat, febris hanela necat,

15

In curru quartus sublimis cum patre vectus,

      Tercius exoritur sol ubi, mox moritur;

Qui dederat natos privatus germine toto,

      Educat externos et sibi adoptat cos.

Consul eras, Marci Rex, et collega Catonis,

20

      Amittis natum solus et ipse tibi,

Moribus insignis, subtilis acumine mentis,

      Condignus talis filius esse patris;

Non est mutatus pro mesticia tibi vultus,

      Etsi tota domus hoc moriente ruit;

25

Funeris expleto mox ordine more Latino,

      Tamquam nil passus iura ducis peragis.

Pericles doctas qui clarus rexit Athenas,

      Mirificos natos perdiderat geminos;

Infra quatriduum decessit uterque duorum,

30

      Nec sumpsit tristem propterea fatiem,

Impositam capiti nec detrahit ipse coronam,

      Gestabat quam dux more sui populi.

Socraticus Xenophon, illo vir nobilis aevo,

      Callidus ingenio, clarus et eloquio,

35

Amisit natum bellorum turbine Grilum

      Qui Mantineo corruerat gladio;

Sacrificat divis Xenophon dum, dicitur

      Non interrumpit qui sacra liba dare,

Non pallet vultus, lacrimis non ora madescunt,

40

      Sola corona caput quae tegit exuitur;

Qualiter occubuit suffecit quaerere tantum,

      Caesum pro cara comperit ut patria,

Laetari virtute magis quam morte dolere,

      Testatur sacras quis aderat tripodas,

45

Et caput imposita pacata mente corona,

      Vestit, persolvat dum sua vota deis.

Fortis Anaxagoras nati mortem referenti,

      "Nil", ait, "externum nilque novum loqueris,

Hunc ex me genitum penitus noram moriturum:

50

      Sors cadem natos conficit atque patres".