Prologus

Carmina composuit voluitque placere poeta;

      Fallitur hoc studio: carmina nulla placent.

Fabula nulla placet, queruntur seria cunctis:

      Quemlibet immodicus alligat eris amor.

5

Vincit amor census et nummis carmina cedunt:

      Multa licet sapias, re sine nullus eris.

Si quem scripta iuvant, istis tamen invidet ille

      Et laudans veteres nescit amare novos.

Vtilius tacuisse foret quam scribere versus,

10

      Scriptor enim pretio scriptaque laude carent.

Quem iuvat iste labor soli sibi scriptitet ille

      Et sibi pulcher eat et sua solus amet.