8.

Nominis haud proprio pronomen fungit honore

      Et bene significat quicquid et ille tamen.

Nullius eloquii poterit discernere sensus,

      Ni titulus primum nominis ante sonet.

5

Illius ut regis debet praecedere currus,

      Istius ut famuli currere debet equus.

Regalis rutilos illi dat palma triumphos,

      Armigeri laudem accipit iste tamen.

Sic pariter nitidos norunt discurrere campos,

10

      Quos tenet in gremio lingua Latina suo.